१५ साउन २०७६, काठमाडौं
रौतहटस्थित चन्द्रपुर नगरपालिकाको ३ नम्बर वडा कार्यालयमा आगजनी भएको छ।
कार्यालयमा गएराति आगालागी भएको वडाध्यक्ष रबी देवकोटाले जानकारी दिए। आगालागीका कारण कार्यालयका सम्पूर्ण सामान जलेर नष्ट भएको बताइएको छ।
उनका अनुसार कार्यालयमा रहेका कम्प्युटर, दराज, कागजातलगायतका समान जलेर नष्ट भएका हुन्।
आगजनी कसले गरायो भन्ने अझैसम्म खुलीसकेको छैन। घटनाका सम्बन्धमा थप अनुसन्धान भइरहेको प्रहरीले जनाएको छ।
