अञ्जली अधिकारी भन्छिन् : ‘छोरी मान्छेलाई चान्स मार्न कसले खोज्दैन र’ ?

१६ साउन २०७६, काठमाडौँ

सानैदेखि नाच्नमा खप्पिस अञ्जली अधिकारीको सानैदेखि नायिका बन्ने सपना थियो । कसैले ठूली भएर के बन्छेस भन्दा उनी म हिरोइन बन्छु भन्थिन् । आज अञ्जली लोकदोहोरी क्षेत्रकी सबैभन्दा चर्चित र डिमाण्डेड मोडल हुन् । उनलाई मन नपराउने कमै छन् होला ।

यो स्थानसम्म आइपुग्नको लागि अञ्जलीको लागि सजिलो पक्कै पनि थिएन । उनले यो क्षेत्रमा आउन निकै मेहेनत गरेकी छिन् । अञ्जलीको बाबुको सपना उनलाई स्टाफ नर्स बनाउने थियो । तर अञ्जलीलाई स्टाफ नर्स पढ्न पटक्कै मन थिएन । सुरुमा उनलाई परिवारको पनि साथ थिएन । तर सबैले उनलाई मन पराउन थालेपछि परिवारको पनि साथ पाइन् अञ्जलीले ।

यो क्षेत्र नै अलि सचेत हुनुपर्ने खालको छ । विशेष छोरी मान्छेलाई त झन आफ्नो पहिचान बनाउन गाह्रो नै हुन्छ । अञ्जली यो क्षेत्रमा चर्चित गायकहरुको माध्यमबाट आइन् । त्यसैले उनलाई सहज भने भएकै हो । तर सुरु सुरुमा केहीले भने पैसाको प्रलोभन देखाएर प्रेमको प्रस्ताव पनि नराखेका भने होइनन् ।

अञ्जलीले केटीलाई जसले पनि साइड हान्न खोज्ने भएकाले आफैँ सचेत हुनुपर्ने समेत बताइन् । उनले अब छिट्टै नै चलचित्रमा समेत काम गर्ने बताएकी छिन् । आफू यो स्थानसम्म आइपुग्नुको श्रेय अञ्जली आफ्ना दर्शकलाई दिन चाहन्छिन् ।