१६ साउन २०७६, काठमाडौँ
सुनिता दुलाल लोकदोहोरी क्षेत्रकी परिचित गायिका हुन् । उनी कम तर गुणस्तरीय गीतहरु गाउने गर्छिन् । उनको गीतमा मौलिकता झल्कने गर्छ । धेरैजसो सुनिता तिजको समयमा मात्र गीतहरु ल्याउने गर्छिन् । उनले गाएका अधिकांश लोकगीतहरुले निकै सफलता पाएका छन् ।
सुनिता आजभोलीका तिज गीतमा पहिलेको जस्तो मौलिकता नै नहुने बताउँछिन् । उनी आजकल सुनौँ सुनौँ लाग्ने तिज गीत बन्ने छोडेको गुनासो समेत पोख्दै थिइन् । तिज गीत भनेको हाम्रो संस्कृति झल्कने खालको हुनुपर्ने सुनिताको बुझाइ छ । उनले केहीबर्ष देखि सुन्न मज्जा आउने तिज गीत आफूले नपाएको पनि बताएकी छिन् ।
हरेक बर्ष झैँ सुनिता यसबर्ष पनि एउटा तिज गीत लिएर दर्शकमाझ आउँदैछिन् । अहिले उनी सोहि गीतको सुटिङमा व्यस्त छिन् । त्यसबाहेक उनी नेपाल लोक स्टार मा समेत व्यस्त छिन् ।
