‘मैले अहिलेसम्म २ वटा चलचित्र मात्र हेरेको छु’ : पशुपति शर्मा

१६ साउन २०७६, काठमाडौँ

पशुपति शर्मा लोकदोहोरी क्षेत्रका निकै चर्चित गायक हुन् । उनले गाएका अधिकांश गीतहरु सुपरहिट छन् । पशुपतिको गीत सुनेर दर्शकहरु निकै रमाउने गर्छन् । कहिलेकाहिँ उनी गीतकै कारण विवादमा समेत तानिने गरेका छन् । पशुपति कलाकारिता क्षेत्रमा संलग्न छन् । तर कस्तो अचम्म उनलाई चलचित्रमा भने त्यति रुचि छैन रे ।

पशुपतिले अहिलेसम्म आफूले २ वटा मात्र चलचित्र हेरेको बताएका छन् । दर्पणछायाँ र छक्का पञ्जा । तर यी दुवै चलचित्र पनि उनले पुरा भने हेरेनन् । दर्पण छायाँ हेर्न जादाँ पनि उनी निदाएका थिए र छक्का पञ्जा हेर्दा पनि ।

वास्तवमा पशुपतिले आफूलाई चलचित्र हेर्न त्यति रहर नलाग्ने बताएका छन् । फुर्सदको समयमा पनि बरु परिवारसँग रमाउने भएकाले चलचित्रप्रति त्यति ध्यान नै नजाने उनी बताउँछन् । युट्युबमा पनि कहिल्यै फिल्म नहेर्ने भएकाले उनलाई चलचित्रहरु चलेको र हराएको अत्तोपत्तो हुदैन रे ।