कोसँग प्रदिपको जोडी धेरै सुहायो ?

१६ साउन २०७६, काठमाडौँ

मिरुना मगर पछिल्लो समयकी चर्चित र व्यस्त नायिका हुन् । विशेष उनको सुन्दरताको निकै तारिफ हुने गर्छ । चलचित्र लालपूर्जा बाट रजतपटमा आएकी मिरुनाको पहिलो चलचित्र असफल भयो । त्यसपछि उनले चलचित्र रोज मा काम गरिन् । जहाँ उनको जोडी अभिनेता प्रदिप खड्कासँग बाधिएको थियो ।

यो चलचित्र पनि व्यवसायिक रुपमा असफल भएकै हो । तर मिरुनाको कामको भने दर्शकले निकै तारिफ गरे । अहिले रोज चलचित्रका कारण नै मिरुनालाई राम्रो चलचित्रबाट अफरहरु आउन थालेका छन् । चलचित्र रोज को फूल हैन बोलको गीत त झन् अहिले पनि धेरैको मुखमा झुण्डिएको छ ।

रोज चलचित्र प्रदर्शनको समयमा प्रदिप र मिरुनाको अफेयरको कुरा पनि आएको थियो । तर मिरुनाले यो कुरा गलत भएको बताएकी छिन् । उनले आफूलाई आज स्थापित गर्न प्रदिपको पनि योगदान भएको र उ आफ्नो राम्रो साथी भएको स्वीकारिन् । तर उनले अफेयरको कुरा भने गलत भएको बताइन् ।

मिरुनाभन्दा पहिले प्रदिपको जसितासँग अफेयरको कुरा चलेको थियो । अहिले पनि धेरै दर्शकले प्रदिपको जोडी कोसँग ुसुहाउँछ भन्दा मिरुना र जसिताको नाम नै लिने गरेका छन् ।