१७ साउन २०७६, काठमाडौँ
आजभोली तेस्रो लिङ्गी मानिसहरुले आफ्नो परिचय खुलेर दिन थालेका छन् । पहिले पहिले समाजको डरले उनीहरु केही बोल्न सक्दैनथे । तर आजभोली उनीहरु बोल्न डराउँदैनन् । कति मानिसहरु जन्मदै तेस्रो लिङ्गी भएर जन्मिएका हुन्छन् भने कति आफ्नो रहरले नै लिङ्ग परिवर्तन गर्छन् ।
त्यस्तै दमकमा बस्ने अनमोल राई पनि स्वइच्छाले केटी बनेकी छन् । उनी अहिले मात्र १६ बर्षकी भइन् । उनी जन्मजात केटी होइनन् । जन्मदा केटा भएर जन्मिएकी अनमोल अहिले भने निकै राम्री किशोरी बनेकी छिन् । सानोमा उनको स्वभाव केटाको जस्तै थियो । तर उमेरसँगै उनीमा केटीको बानीव्यवहार देखिन थाल्यो ।
जसको कारण आज उनी केटीको रुपमा आफूलाई परिचित गराउँछिन् । कसैले छक्का भन्दा उनलाई कत्तिपनि नराम्रो लाग्दैन । उल्टै उनी यसबारे गर्व गर्ने बताउँछिन् । कसैसँग नडराउने अनमोलले आफ्नो लिङ्ग केटाको नै भएको र अब चाडँै लिङ्ग परिवर्तन गर्न आफू बाहिर जान लागेको जानकारी दिइन् ।
