१७ साउन २०७६, काठमाडौँ
अहिलेकी सबैभन्दा चर्चित र डिमाण्डेड अभिनेत्री स्वस्तिमा खड्का र चर्चित फिल्म निर्देशक तथा कलाकार निश्चल बस्नेतलाई आदर्श जोडीको रुपमा सम्मान गरिएको छ । निश्चल र स्वस्तिमाको जोडीलाई मन नपराउने कोहीपनि छैनन् होला । यो जोडी धेरैको लागि आइडल कपलको रुपमा परिचित भैसकेको छ ।
त्यतिमात्र नभएर यो जोडीलाई राष्ट्रिय दाजु भाउजुको उपनाम समेत दिइएको छ । ललितपुरको जावलाखेलस्थित खुल्ला चौरमा आयोजित तीन दिने ुतीज माइती मेला २०७६ु को उद्घाटन समारोहमा नेपाली कला क्षेत्रको आदर्श जोडी मान्दै दुईलाई सम्मान गरिएको छ ।
श्रीमान–श्रीमती नै एउटै क्षेत्रमा समर्पित भई सफल समेत बनेको जोडीलाई हरेक बर्ष तीज कार्यक्रमको आयोजना गर्दै सम्मानित गरिँदै आएको आयोजक संस्था ललित ब्यूटिसियन बहुउद्येश्यीय सहकारी संस्था लिमिटेड र ललित फरिया घरकी अध्यक्ष मिना कुमारी रिमालले बताइन् ।
सात बर्षदेखी हरितालिका तीजको अवसरमा लगातार हुँदै आएको उक्त कार्यक्रम यस बर्षदेखी सबैको लागि मनोरञ्जन र उत्सव भन्ने उद्देश्यसहित खुल्ला रुपमा मेलासहित निःशुल्क प्रवेशसहित सुरु भएको उनले बताइन् ।
