भारतीय मिडियामा चर्चित बन्दै साम्राज्ञी, उनको बारेमा बन्यो यस्तो विशेष रिपोर्ट

१७ साउन २०७६, काठमाडौँ

साम्राज्ञी राज्यलक्ष्मी शाह केहीसमय देखि चर्चाको शिखरमा छिन् । ब्वाईफ्रेण्डसँगको हट तस्बिरका कारण र त्यसपछि उनले लेखेको स्टाटसका कारण उनको चर्चा चुलिएको थियो । उनको चर्चा नेपालमा मात्र नभएर भारतमा समेत भैरहेको छ । केहीसमय अघि भारतीय मिडियाले राजेश हमाललाई अमिताभ बच्चनसँग तुलना गर्दै राजेशको स्टोरी तयार गरेको थियो । अहिले त्यसरी नै साम्राज्ञीको पनि स्टोरी तयार गरेको छ ।

यो चलचित्र क्षेत्रको लागि राम्रो कुरा हो । नेपाली चलचित्रलाई नेपालीले मात्र नभएर अन्य मुलुकका दर्शकले पनि रुचाएको कुरा यहाँबाट पुष्टि हुन्छ । भारतीय अनलाइन मिडिया आजतक ले साम्राज्ञीको सम्पूर्ण कुराहरु यसरी बताएको छ ।

सन् २०१६ मा फिल्म ड्रिम्सबाट डेब्यू गरेकी साम्राज्ञी आज नेपाली फिल्ममा सर्वाधिक पारिश्रमिक लिने अभिनेत्री बनिसकेकी छिन् । मात्रै ३ वर्षमा उनको स्टारडमले निकै ठूलो रुप लिइसकेको छ । तर, फिल्ममा करिअर बनाएकी यी हिरोइन वास्तविक जीवनमा राजघरानासँग सम्बन्ध राख्छिन् । अभिनेत्री साम्राज्ञी नेहा राज्यलक्ष्मी र महेश बिक्रम शाहकी छोरी हुन् । रिपोर्टका अनुसार साम्राज्ञीका पूर्वज राजघरानाका वंशज हुन् ।

साम्राज्ञीका वंशजमा सामेल त्रिभुवन वीर बिक्रम शाहलाई नेपालबाट राणा राज्य हटाएको श्रेय दिइन्छ । उनैका वंशजमा ज्ञानेन्द्र शाह राजा रहिसकेका छन् जसलाई पछि राजगद्दीबाट हटाइएको थियो र वीरेन्द्र शाहको हत्या गरिएको थियो । उनी पृथ्वी नारायण शाहको वंशजसँग जोडिएकी छिन् । राजा पृथ्वी संयुक्त नेपाल र गोरखाका प्रथम राजा थिए ।

साम्राज्ञीका यी कुराहरु कमै दर्शकलाई मात्र थाहा थियो होला । अहिलेकी सबैभन्दा डिमाण्डेड अभिनेत्री साम्राज्ञी जतै नै विवादमा आएपनि उनको स्टारडम भने बलियो नै छ ।