भदौ २७ मा आउने भयो दिपक र केकीको ‘छ माया छपक्कै’

१७ साउन २०७६, काठमाडौँ

चलचत्रि छ माया छपक्कै ले आफ्नो नयाँ प्रदर्शन मिति सार्वजनिक गरेको छ । दिपक दिपाका हरेक चलचित्र दशैँको अवसरमा रिलिज हुने गरेका थिए । छ माया छपक्कै ले पनि आफ्नो रिलिज डेट सुरुमा दशैँलाई टार्गेट गरेर नै तय गरेको थियो ।

सोही अवसरमा चलचित्र रातो टिका निधारमा पनि आउने हल्ला थियो । अहिले फेरि कबड्डी कबड्डी ले आफ्नो रिलिज डेट सारेपछि छ माया छपक्कै अब भदौ २७ मा प्रदर्शनमा आउने भएको छ ।

भदौ २७ मा बलिउडको बहुप्रतिक्षित चलचित्र वार पनि प्रदर्शनमा आउँदै छ । यो चलचित्र बलिउडमा मात्र नभएर नेपाली दर्शकका लागि पनि निकै प्रतिक्षित रहेको छ । तर दिपकले बलिउड चलचित्रदेखि आफू नडराएको पुष्टि गरेका छन् । अब दिपकले छ माया छपक्कै ले आफ्नो प्रदर्शन मिति सारफेर नगर्ने समेत बताएका छन् ।