‘मिस्टर वर्ल्ड २०१९’ मा नेपालको प्रतिनिधित्व गर्दै अक्षय रायमाझी, भन्छन् ‘नेपालको नाम राख्नेछु’

१७ साउन २०७६, काठमाडौँ

फिलिपिन्समा हुन लागेको ‘मिस्टर वर्ल्ड २०१९’ मा नेपालबाट अक्षय रायमाझीले प्रतिनिधित्व गर्ने भएका छन् । अक्षय सन् २०१७ का ‘मिस्टर नेपाल’ का  विजेता समेत हुन् । नेपालबाट प्रतिस्पर्धामा जाने अक्षय एक्लो युवक हुन् ।

विश्वका एकसय भन्दा बढी राष्ट्रका युवाहरुको सहभागिता रहने प्रतियोगितामा अक्षय नेपालका एक्लो सहभागिता हुन्। नेपाली कलासंस्कृतिले भरिएको नाँच प्रस्तुत गर्दै भिजिट नेपाल २०२०को सन्देश समेत विश्वमा प्रवाह गर्ने कार्यक्रममा अक्षयले बताए।

त्यसबाहेक अक्षयले नेपालको भौगोलिक सुन्दरता र संस्कृति झल्कने भिडियो समेत आफूले तयार पारेको बताए । तर उक्त भिडियो मिस्टर वर्ल्ड को मञ्चमा मात्र सार्वजनिक हुने जानकारी अक्षयले दिएका छन् ।

अक्षयले ‘मिस्टर वर्ल्ड’ मा जान आफू पनि निकै आतुर भएको बताएका छन् । अक्षयभन्दा अगाडी गणेश अग्रवालले सन् २०१६ मा नेपालको प्रतिनिधित्व गर्दै ‘मिस्टर वर्ल्ड’ मा सहभागी जनाएका थिए ।