‘कसरी कसरी’ को अपार सफलतापछि टंक र मेलिनाको ‘कसरी कसरी २’ सार्वजनिक

१७ साउन २०७६, काठमाडौँ

टंक बुढाथोकी निकै व्यस्त र चर्चित गायक तथा संगीतकार हुन् । उनका अधिकांश गीतलाई दर्शकले निकै मन पराउने गरेका छन् । टंक बुढाथोकीको सुपरहिट गीतमध्येको एउटा कसरी कसरी पनि हो ।

कसरी कसरी गीतलाई दर्शकले अत्याधिक रुचाएका थिए । कसरी कसरी को अपार सफलतापछि टंक बुढाथोकीले कसरी कसरी को पार्ट २ पनि निकालेका छन् । टंक बुढाथोकीको शब्द र संगीत रहेको गीतमा आवाज पनि टंक र मेलिना राईको रहेको छ ।

गीतमा बाल कलाकार आयुष गुरागाई र अशुं गुरागाईका साथ टिकटक स्टार दिपा–दमन्ता श्रेष्ठ फिचर्ड छन् । यस्तै गीतमा सुनिल क्षेत्री र एआर बुढाथोकीलाई पनि देख्न सकिन्छ । कसरी कसरी गीत जति रमाइला खालको थियो, कसरी कसरी २ पनि त्यति नै रमाइलो खालको छ । उक्त गीतलाई दिपकराज सुनारले कोरियोग्राफी गरेका हुन् ।