‘साहो’ मा प्रभासले लिए १०० करोड, बने अहिलेसम्मकै बढी पारिश्रमिक लिने अभिनेता

२१ साउन २०७६, काठमाडौँ

बाहुबली स्टार प्रभास यतिबेला चलचित्र साहो को प्रमोशनमा व्यस्त छन् । साहो यो बर्षको सबैभन्दा ठूलो र प्रतिक्षित चलचित्र भएको भारतीय मिडियाले जनाएको छ । चलचित्र साहो को लागि दर्शकले निकै प्रतिक्षित गरिरहेका छन् ।

चलचित्र साहो मा प्रभास र श्रद्धा कपुरलाई मुख्य भूमिकामा देख्न सकिन्छ । चलचित्रको २ गीत र टिजर सार्वजनिक भैसकेको छ । जसलाई दर्शकले निकै रचाएका पनि छन् । यो चलचित्रमा प्रभासले निकै पारिश्रमिक लिएका छन् । यो चलचित्रमा प्रभासले जति पारिश्रमिक लिएका छन् त्यति आजसम्म कुनैपनि चलचित्रमा कुनैपनि अभिनेताले लिएका छैनन् ।

प्राप्त जानकारी अनुसार यो चलचित्रबाट प्रभासले १०० करोड लिएका छन् । यसअघि रजनी कान्तले चलचित्र २.० मा ६० करोड लिएका थिए । प्रभासले रजनीको रेकर्ड पनि ब्रेक गरेका छन् । चलचित्र साहो ३० अगस्टबाट देशव्यापी रुपमा प्रदर्शनमा आउँदै छ ।