२४ साउन २०७६, काठमाडौँ
नायिका साम्राज्ञी राज्यलक्ष्मी शाह यतिबेला आफ्ना २ चलचित्रको प्रमोशनमा व्यस्त छिन् । यहि भदौ १३ बाट उनी अभिनीत चलचित्र मारुनी प्रदर्शनमा आउँदै छ भने दशैँको आसपासमा चलचित्र रातो टिका निधारमा पनि प्रदर्शनमा आउँदै छ ।
हिजोमात्र चलचित्र रातो टिका निधारमा को पहिलो गीत सार्वजनिक गरिएको छ । गीत रिलिज कार्यक्रममा साम्राज्ञी निकै राम्री बनेर पुगेकी थिइन् । हरियो साडीमा सजिएकी साम्राज्ञीको सुन्दरताले सबैको ध्यान खिचेको थियो । उनलाई साडीले निकै सुहाएको पनि थियो । तर साम्राज्ञीले भने साडीमा आफूलाई असहज महशुस भएको बताएकी थिइन् ।
