‘रातो टिका निधारमा’ को पहिलो गीत रिलिज, एकअर्काको मायामा हराउँदै अंकित र साम्राज्ञी

२४ साउन २०७६, काठमाडौँ

चलचित्र रातो टिका निधारमा को पहिलो गीत हिजोमात्र सार्वजनिक भएको छ । रातो टिका निधारमा यो बर्षको प्रतिक्षित चलचित्र हो । चलचित्रमा साम्राज्ञी राज्यलक्ष्मी शाह र अशोक शर्माका छोरा अंकित शर्माको मुख्य भूमिका रहेको छ ।

रवि मल्लको शब्द र कल्याण सिंहको संगीत रहेको मेरो माया के हो बोलको गीतमा निशान भट्टराई र अस्मिता अधिकारीको आवाज रहेको छ । निकै रोमान्टिक शैलीको गीतमा साम्राज्ञी र अंकित नै फिचर्ड छन् । चलचित्र रातो टिका निधारमा ले आफ्नो प्रदर्शन मिति भने तय गरिसकेको छैन । तर यो चलचित्र दशैँको आसपासमा रिलिज हुने बताइएको छ ।