अनमोलको जोडी कोसँग धेरै सुहायो ?

२५ साउन २०७६, काठमाडौँ

अनमोल केसी अहिलेका सर्वाधिक लोकप्रिय अभिनेता हुन् । युवापुस्तामा उनको निकै लोभलाग्दो क्रेज रहेको छ । यतिबेला भने अनमोल रेष्टमा छन् । उनी तत्काल कुनैपनि चलचित्र गर्ने मुडमा छैनन् । सायद यो बर्षको अनमोलको कुनैपनि चलचित्र प्रदर्शनमा आउँदैन होला ।

अनमोल केसीले अहिलेसम्म ७ चलचित्रमा काम गरिसकेका छन् । हरेक चलचित्रमा उनले नव अभिनेत्रीसँग मात्र काम गरेका छन् । कुनैपनि चलचित्रमा अनमोलले एउटै नायिकासँग दोहोरिएर काम गर्नुपरेको छैन । अनमोलले जतिपनि चलचित्रमा काम गरे । त्यसमध्येमा केही नायिकासँगको केमेष्ट्रिलाई दर्शकले औधी रुचाए । तर अहिले भने अनमोलको जोडी धेरैले सुहाना थापासँग सबैभन्दा सुहाउने बताउँछन् ।

चलचित्र ड्रिम्स प्रदर्शनमा आउँदा अनमोलको जोडि साम्राज्ञीसँग निकै सुहाउने बताइएको थियो । अहिले पनि धेरै दर्शकले अनमोल र साम्राज्ञीको जोडीलाई फेरि पर्दामा हेर्ने चाहना व्यक्त गरिरहेका छन् । यस्तै क्याप्टेन मा नायिका उपासनासँग पनि अनमोलको केमेष्ट्रि मिलेको प्रतिक्रिया दर्शकले दिएका छन् ।