असोज १० मा आउने भयो साम्राज्ञी र अंकितको ‘रातो टिका निधारमा’

२५ साउन २०७६, काठमाडौँ

रातो टिका निधारमा यो बर्षको निकै प्रतिक्षित चलचित्र हो । केहीदिन अघिमात्र चलचित्र रातो टिका निधारमा को पहिलो गीत रिलिज गरिएको थियो । रातो टिका निधारमा ले आफ्नो प्रदर्शन मिति तय गरेको छ ।

दशैँको अवसरमा चलचित्र रातो टिका निधारमा असोज १० बाट देशव्यापी रुपमा प्रदर्शनमा आउँदै छ । चलचित्र रातो टिका निधारमा मा साम्राज्ञी राज्यलक्ष्मी शाह र अंकित शर्माको मुख्य भूमिका रहेको छ ।

फूलपातीमा आउने चर्चा भएको अभिनेत्री साम्राज्ञी आरएल शाह स्टारर फिल्म ‘रातो टीका निधारमा’ ले घटस्थापन रोजेपछि ‘छ माया छपक्कै’ को प्रदर्शन मिति थप अन्योलमा परेको छ । कतै गत वर्षझैँ दीपकराज गिरी र निर्देशक अशोक शर्माबीच प्रदर्शन मितिमा सहमति जुटेको त होइन रु गएको दशैंमा ‘छक्का पञ्जा ३’ घटस्थापना र फूलपातीमा ‘जय भोले’ प्रदर्शन गर्ने दुईबीच सहमति भएको थियो ।