कस्तो अचम्म : पुरुषले जन्माए बच्चा

२६ साउन २०७६, काठमाडौँ

प्रकृतिको नियमलाई मान्ने हो भने वा हाम्रो समाजलाई नै हेर्ने हो भने सामान्यतया बच्चा महिलाले नै जन्माउने गरेका छन् । यो अधिकार प्रकृतिले महिलालाई नै दिएको हो । तर अहिले भने पुरुषले पनि बच्चा जन्माउन थालेका छन् । यो कुरा सुन्दा अचम्म लाग्न सक्छ  । अझ कतिलाई त यो कुरामा विश्वास नै नलाग्न सक्छ । तर यो सत्य कुरा हो ।

पत्याउनै नसकिने यो विषयलाई विज्ञानले सम्भव बनाएको हो । लिंग परिवर्तन गरी महिलाबाट पुरुष बनेकाहरुले नवजात शिशुलाई जन्म दिन सफल भएका हुन् ।

अष्ट्रेलियामा यसरी २२ जना पुरुषले बच्चा जन्माएका छन् । अष्ट्रेलिया सरकारले हालै जारी गरेको तथ्यांकअनुसार गत दश वर्षमा २२ पुरुषले बच्चा जन्माएका हुन् ।

अष्ट्रेलियाको डिपार्टमेन्ट अफ ह्युमन सर्भिसले सार्वजनिक गरेको जन्म दरसँग सम्बन्धित तथ्यांकमा महिलाबाट पुरुष बनेकाहरुले बच्चा जन्माएको उल्लेख छ ।