आयुष केसीको आवाजमा ‘हजार जुनीसम्म’ को टाइटल गीत रिलिज

२६ साउन २०७६, काठमाडौँ

चलचित्र हजार जुनीसम्म यो बर्षको प्रतिक्षित चलचित्रमध्येको एक हो । श्रावण ३० बाट देशव्यापी रुपमा प्रदर्शनमा आउने चलचित्रको २ गीत र अफिसियल ट्रेलर सार्वजनिक भैसकेको छ । ट्रेलर र गीत संगीतबाट राम्रो प्रतिक्रिया पाइरहेको चलचित्रको नयाँ गीत भर्खरै सार्वजनिक भएको छ ।

चलचित्रको टाइटल गीत हजार जुनीसम्म सार्वजनिक भएको छ । पवन चाम्लिङको शब्द  र योगेन्द्र घटानीको संगीत रहेको गीतको ओरिजिनल गायक भने उदय सोताङ हुन् । धेरै बर्ष पहिले उदय सोताङले गाएको यो गीतलाई रिमेक गरेर चलचित्रमा राखिएको छ । रिमेक भर्जनमा भने चर्चित बाल गायक आयुष केसीले आवाज दिएका छन् ।