२७ साउन २०७६, काठमाडौँ
अनमोल केसीको आगामी प्रोजेक्ट फाइनल भएको छ । चलचित्र ए मेरो हजुर ३ पछि अनमोलले कुनै चलचित्र साइन गरेका थिएनन् । हुन त अनमोलले आफूले केहीसमय रेष्ट लिन चाहेको पनि बताएका थिए । अब उनी आफ्नै होम प्रोडक्सनको चलचित्रमा काम गर्दैछन् ।
यसबारे केहीसमय अघि भुवनले पनि जानकारी दिएका थिए । तर अहिले भने चलचित्रको नाम पनि फाइनल भैसकेको छ । अनमोल केसी नायकको भूमिकामा र भूवन केसी खलनायकको रुपमा देखिने चलचित्रको नाम एन्टि हिरो राखिएको छ ।
उक्त चलचित्रको छायांकन दशैँपछि सुरु हुने बताइएको छ । अनमोल र भूवन बाहेक चलचित्रमा अरु कलाकार फाइनल भएका छैनन् । तर भूवनले केहीदिनमै चलचित्रको निर्देशक र अन्य कलाकार फाइनल गर्ने बताएका छन् । यो चलचित्र प्रेम र एक्सनमा आधारित हुनेछ । चलचित्रमा दर्शकले अनमोललाई एक्सन र रोमान्टिक भूमिकामा देख्नेछन् ।
