२९ साउन २०७६, काठमाडौँ
सुहाना थापाको चर्चा पछिल्लो समयमा निकै छ । चलचित्र ए मेरो हजुर ३ बाट चलचित्र जगतमा आएकी सुहानाले पहिलो चलचित्रबाट नै निकै सफलता पाइन् । अहिले उनी चलचित्र ए मेरो हजुर ३ को प्रदर्शनको लागि विभिन्न देशहरु घुमिरहेकी छिन् । यस्तै यतिबेला भने सुहाना आफ्नी आमा झरना थापासँग क्यानडा पुगेकी छिन् ।
क्यानडामा पुगेर सुहानाले निकै रमाइलो गरिरहेकी छिन् । उनले सामाजिक सञ्जालमा आफ्ना तस्बिरहरु पनि सार्वजनिक गरिरहेकी छिन् । सुहानाले आगामी कुन चलचित्रमा काम गर्लिन् भन्ने कौतुहलता सबै दर्शकमा रहेको छ । सायद सुहानाले अर्को चलचित्र पनि आफ्नै होम प्रोडक्सनमा गर्न सक्छिन् । किनकी झरनाले आफ्नो आगामी प्रोजेक्ट भागवत गीता हुन सक्ने बताएकी छिन् । जहाँ सुहाना मुख्य भूमिकामा हुनेछिन् ।
