एकअर्काको मायामा हराउँदै आकाश र उषा

३१ साउन २०७६, काठमाडौँ

आकाश श्रेष्ठ पछिल्लो समयका निकै व्यस्त र चर्चित अभिनेता हुन् । तर उनको व्यस्तता चलचित्रमा भन्दापनि म्यूजिक भिडियोमा धेरै छ । आकाशको एकपछि अर्को म्यूजिक भिडियो सार्वजनिक भैरहेका छन् ।

भर्खरै मात्र पनि आकाशको नयाँ म्यूजिक भिडियो सार्वजनिक भएको छ । डिपी खनालको शब्द र शंकर थापाको संगीत रहेको जब देखे तिमीलाई बोलको गीतमा आरपी कर्मचार्य र प्रविशा अधिकारीको आवाज रहेको छ ।

गीतमा आकाशसँगै टिकटक क्वीन उषा उप्रेती फिचर्ड छिन् । निकै रोमान्टिक शैलीको गीतमा आकाश र उषाको माया देख्न सकिन्छ । उक्त गीतलाई रोशेल थापाले निर्देशन गरेका हुन् ।