रमेश र दिपिकाको ‘ऐश्वर्य’ युट्युबमा सार्वजनिक, छोटो समयमै पायो सर्वाधिक भ्यूज

३१ साउन २०७६, काठमाडौँ

करिब २ बर्ष अगाडी प्रदर्शनमा आएको चलचित्र ऐश्वर्य लाई दर्शकले निकै रुचाएका थिए । यो चलचित्र व्यापारिक रुपमा सफल पनि भएको थियो । रमेश उप्रेती, केकी अधिकारी, प्रशान्त ताम्राकार, दिपिका प्रसाई, केशव भट्टराई, अर्जुन प्रधान लगायतका कलाकारको मुख्य भूमिका रहेको चलचित्र युट्युबमा सार्वजनिक भएको छ ।

लबस्टोरी र एक्सन जनरामा तयार भएको चलचित्रले युट्युबमा सार्वजनिक भएको छोटो समयमा नै राम्रो भ्यूज पाउन सफल भएको छ । यो समाचार लेखिरहदाँ ऐश्वर्य लाई युट्युबमा ६ लाख १४ हजार ९ सय ३० पटक हेरिएको छ । यस्तै भिडियोलाई १७ हजारले लाइक र ९१४ जनाले डिसलाइक गरेका छन् भने भिडियोमा १ हजार ७ सय २१ कमेन्ट आएका छन् ।