ऋतिक रोशन विश्वकै सबैभन्दा ह्याण्डसम अभिनेताको पहिलो स्थानमा

३१ साउन २०७६, काठमाडौँ

ऋतिक रोशनको बलिउडमा छुट्टै सान छ । अभिनयसँगै लुक्सका कारण पनि सधैँ चर्चामा रहने अभिनेता हुन् ऋतिक रोशन । त्यसबाहेक उनी शालिन स्वभावका अभिनेता मानिन्छन् । उनको फ्यान फलोइङ निकै लोभलाग्दो रहेको छ ।

यस्तै ऋतिकका फ्यानका लागि खुसीको खबर आएको छ । भारतीय सञ्चारमाध्यमहरूका अनुसार ऋतिक ‘टप ५ मस्ट ह्यान्डसम म्यान इन द वर्ल्ड अगस्ट २०१९’ को सूचीमा पहिलो नम्बरमा छन्।

यो खबर सुनेर उनका फ्यानहरु निकै खुसी भएका छन् । ऋतिकले हलिउडका उत्कृष्ट मानिने अभिनेतालाई समेत पछाडी पारेका छन् ।