०१ भदौ २०७६, काठमाडौँ
सुभद्रा अधिकारीको निधनले यतिबेला पुरा चलचित्र जगत नै स्तब्ध छ । उनको नेपाली चलचित्र क्षेत्रमा निकै ठूलो योगदान रहेको छ । नेपाली चलचित्र क्षेत्रले एउटा वरिष्ठ कलाकार गुमाएको छ ।
लामो समयदेखि दमको रोगी सुभद्रा अधिकारीको हिजो बिहान आफ्नो निवास डल्लुमा निधन भएको हो । उनको अन्तिम संस्कार हिजो पशुपति आर्यघाटमा गरिएको छ । उनलाई श्रद्धाञ्जली दिनको लागि धेरै कलाकारहरु उपस्थित भएका थिए ।
सुभद्रालाई श्रद्धाञ्जली दिनको लागि शिव श्रेष्ठ, केशव भट्टराई, मिथिला शर्मा, बसुन्धरा भुषाल, करिश्मा मानन्धर, रेखा थापा, सर्मिला मल्ल लगायतका कलाकारहरु उपस्थित भएका थिए । नयाँ कलाकारको उपस्थिति भने त्यति थिएन । सुभद्रालाई श्रद्धाञ्जली दिदाँ धेरैको आँखामा आँशु थियो ।
