श्रीमती र २ बर्षिया छोरालाई ज्यूदैँ जलाएर मार्न खोज्ने युवक पक्राउ

०४ भदौ २०७६, काठमाडौँ

धादिङमा आफ्नै श्रीमती र २ बर्षिया छोरालाई आगो लगाएर मार्न खोजेको अभियोगमा २८ बर्षिया गणेश लम्साललाई प्रहरीले पक्राउ गरेको छ ।

प्रहरीको भनाइअनुसार गणेशले आफ्नी श्रीमती र छोरालाई सुतिरहेको बेला तारपिनको तेल छर्केर आगो लगाएका थिए । जसका कारण उनकी श्रीमती र छोरा घाइते भएका छन् । श्रीमतीको अनुहार, बाँया हात र छोराको कोखा, टाउको र हातको भाग जलेको प्रहरीले जानकारी दिएको छ ।

अहिले बच्चा र घाइते भएकी महिलाको उपचार भैरहेको छ भने गणेश प्रहरीको हिरासतमा छन् ।