चर्चित नायिका रेखा थापालाई जन्मदिनको धेरै धेरै शुभकामना

०५ भदौ २०७६, काठमाडौँ

रेखा थापा सदावहार नायिकाको रुपमा परिचित छन् । कुनै एक समय थियो, नायिका रेखा थापाले नेपाली चलचित्र क्षेत्रमा एकलौटी राज गरेकी थिइन् । पहिलेको जस्तो क्रेज उनको अहिले छैन । तर रेखा चलचित्र क्षेत्रबाट टाढा पनि छैनन् । उनी अहिले पनि विभिन्न चलचित्र निर्माणमा लागिरहेकी छिन् ।

आज उनै नायिका रेखा थापाको जन्मदिन रहेको छ । रेखा आजबाट ३७ बर्षमा लागेकी छिन् । जीवनको यहाँसम्मको यात्रामा उनले धेरै नै संघर्ष गरेकी छिन् । नेपाली चलचित्र क्षेत्रमा त झन उनको उल्लेख्यनीय योगदान रहेको छ । कुनै समयमा ओरालो लागिसकेको चलचित्र क्षेत्रलाई उनले सम्हालेकी थिइन् भन्दा फरक नपर्ला ।

आज रेखाको जन्मदिन भएकाले उनलाई उनका शुभचिन्तक र फ्यानले विभिन्न माध्यमबाट जन्मदिनको शुभकामना दिइरहेका छन् । धेरै व्यक्तिको लागि उनी प्रेरणा समेत बनेकी छिन् । उनै वरिष्ठ नायिका रेखालाई हाम्रोतर्फ बाट पनि जन्मदिनको धेरै धेरै शुभकामना ।