मिरुनाको सिल्की कपाल देखेर फिदा भए आर्यन

०५ भदौ २०७६, काठमाडौँ

अभिनेता आर्यन सिग्देल र पछिल्लो समयकी चर्चित नायिका मिरुना मगरको मुख्य भूमिका रहेको चलचित्र च च हुई को पहिलो गीत सार्वजनिक भएको छ ।

श्याम लामिछानेको शब्द र राजनराज शिवाकोटीको संगीत रहेको सिल्की सिल्की बोलको गीतमा मेलिना राई र राजनराज सिवाकोटीकै आवाज सुन्न सकिन्छ । निकै रमाइलो शैलीको गीतमा आर्यन र मिरुना नै फिचर्ड छन् ।

उक्त गीतलाई शिशिर खत्रीले कोरियोग्राफी गरेका हुन् । चलचित्र च च हुई मंसिर ६ बाट देशव्यापी रुपमा प्रदर्शनमा आउने भएको छ ।