०५ भदौ २०७६, काठमाडौँ
‘मिस्टर वर्ल्ड २०१९’ मा नेपालको प्रतिनिधित्व गर्दै फिलिपिन्स गएका अक्षय रायमाझी उत्कृष्ट १२ मा पर्न सफल भएका छन् । यो नेपालको लागि गौरवको कुरा हो । अक्षय ६० राष्ट्रका प्रतिनिधिलाई पछि पार्दै उत्कृष्ट १२ मा पर्न सफल भएका हुन् ।
आफू उत्कृष्ट १२ मा पर्न सफल भएको कुरा अक्षयले आफ्नो आधिकारीक फेसबुकमार्फत जानकारी दिइसकेका छन् । अक्षयले नेपाली कलासंस्कृति झल्कने पहिरन सहित काल भैरव नाँच प्रतियोगितामा प्रस्तुत गरेका थिए । उनको नाँच प्रतियोगितामा मन पराइएको थियो । उनले आगामी शुक्रबार हुने मिस्टर वर्ल्डको अन्तिम प्रतिस्पर्धामा पनि सहभागी हुन पाउने छन् ।
अक्षय ‘मिस्टर नेपाल २०१७’का बिजेता हुन् । मिस्टर नेपाल आयोजक संस्था एक्सपोज नेपालले उनलाई ‘मिस्टर वल्ड’मा नेपालको प्रतिनिधिको रुपमा पठाएको हो ।
