०६ भदौ २०७६, काठमाडौं
पशुपति क्षेत्र विकास कोषद्वारा स्वीकृति प्राप्त अहेड ट्रेड लिंक प्रा.लि.ले उमाकुण्ड क्षेत्रमा संचालन गरेको पार्किङ्गमा सम्झौता गरे भन्दा बढी शुल्क असुल्दै आईरहेको पाईएको छ ।
प्रतिमहिना चालिस हजार पाँच सयमा सम्झौता भई संचालनमा आएको पार्किङ्गमा कार/जिप/भ्यानमा ३० रुपैंया र मोटरसाईकलमा १५ रुपैंया शुल्क राखिएको छ । जबकी २०७६ बैशाख ८ गते पशुपति क्षेत्र विकास कोषसँग गरिएको सम्झौतामा कार/जिप/भ्यान रु. २५ र मोटरसाईकललाई रु.१० तोकिएको छ ।
सम्झौताको बुँदा नं. ११ मा पार्किङ्ग सेवा शुल्क दर प्रथम पक्षको स्वीकृति बिना बढाएर लिन पाईने छैन भनी प्रष्ट उल्लेख गरिएको छ । कम्पनीका तर्फबाट सम्झौता पत्रमा हस्ताक्षर गरेका बिरेन्द्रमान जोशीले गरेको हस्ताक्षर समेत कार्यान्वयन नहुँदा सेवाग्राहीहरु मर्कामा परेका छन् ।
स्थानीयका अनुसार पार्किङ्ग क्षेत्र भन्दा बाहिर सडकमा पार्किङ्ग गराई सो बापतको रकम समेत असुली अनियमितता गरेको छ ।
पशुपति क्षेत्र विकास कोष र अहेड ट्रेड लिंक प्रा.लि. बिचको सम्झौता पत्र
