१० भदौ २०७६, काठमाडौँ
नेपाल आइडल सिजन २ मा सर्वाधिक रुचाइएका प्रतियोगी हुन् पवन गिरी । पवनको हरेक प्रस्तुतीलाई दर्शकले निकै नै रुचाउने गरेका थिए । अडिसनदेखि नै दर्शकमाझ आफ्नो राम्रो छाप छोड्न सफल पवन नेपाल आइडल सिजन २ को उत्कृष्ट ६ सम्म पुग्न सफल भएका थिए ।
पवन अहिले देश तथा विदेशका कार्यक्रममा निकै व्यस्त छन् । यसैबिच भर्खरै मात्र उनको पहिलो गीत सार्वजनिक भएको छ । दुर्गालाल श्रेष्ठको शब्द र न्यू बज्रचार्यको संगीत रहेको मलाई एकछिन देउ बोलको गीतमा पवन गिरीको आवाज रहेको छ । पप शैलीको गीतमा पवन र कविता नेपाली फिचर्ड छन् ।
