‘चपली हाइट ३’ मा स्वस्तिमा फाइनल

१० भदौ २०७६, काठमाडौँ

चपली हाइट राम्रो व्यापार गर्न सफल चलचित्र हो । चलचित्र चपली हाइट लाई दर्शकले निकै रुचाएका पनि थिए । विशेष चलचित्रको कथावस्तु दर्शकलाई मन परेको थियो । तर चपली हाइट जति चपली हाइट २ भने सफल हुन सकेन ।

अब चपली हाइट ३ पनि बन्ने भएको छ । लामो समयदेखि यो चलचित्र निर्माण हुने भनिएको थियो तर कलाकार फाइनल नभएकाले काम सुरु हुन सकेको थिएन । अहिले चलचित्र टिमले मुख्य कलाकार फाइनल गरेको छ ।

प्राप्त जानकारी अनुसार चपली हाइट ३ मा नायिका स्वस्तिमा खड्का फाइनल भएकी छिन् । उनले केहीसमय अघि आफू एक चलचित्रको स्क्रिप्ट पढिरहेको र चलचित्रको कथा आफूलाई मन परेको बताएकी थिइन् । चलचित्रमा स्वस्तिमासँगै प्रतिक श्रेष्ठ र आमिर गौतम पनि फाइनल भैसकेका छन् ।