१० भदौ २०७६, काठमाडौँ
स्वस्तिमा खड्का अहिलेकी सर्वाधिक लोकप्रिय नायिका हुन् । उनले छोटो समयमा नै दर्शकको अथाह माया पाउन सफल भएकी छिन् । स्वस्तिमाको फ्यान फलोइङ पनि निकै नै रहेको छ । यस्तै स्वस्तिमाले आफ्नो रोजाइका केही नायकहरुबारे बताएकी छिन् ।
विपिन कार्की
विपिन स्वस्तिमालाई सबैभन्दा धेरै मनपर्ने अभिनेता हुन् । उनको अभिनयबाट स्वस्तिमा निकै प्रभावित छिन् । उनले जस्तोसुकै क्यारेक्टरलाई पनि न्याय दिन सक्ने भएकाले स्वस्तिमालाई विपिन निकै मनपर्छ ।
सौगात मल्ल
सौगातसँग स्वस्तिमाले चलचित्र जय भोले मा काम गरेकी थिइन् । उनले सौगात निकै मिलनसार र काममा पोख्त भएका कारण उनीपनि आफूलाई मनपर्ने अभिनेता भएको बताएकी छिन् ।
दयाहाङ राई
स्वस्तिमालाई दयाको कामप्रतिको लगाव र अरुलाई गर्ने व्यवहार मनपर्छ । त्यसबाहेक स्वस्तिमालाई दयाको सबैलाई हसाँउन सक्ने खुबी पनि निकै मनपर्छ ।
खगेन्द्र लामिछाने
अभिनयमा मात्र नभएर लेखनमा पनि पोख्त मानिने अभिनेता हुन्, खगेन्द्र लामिछाने । उनी पनि भर्सटाइल एक्टरमा पर्छन् । त्यसैले स्वस्तिमालाई खगेन्द्र पनि निकै मनपर्ने अभिनेता हुन् ।
नाजिर हुसेन
नाजिर र स्वस्तिमाले एउटै चलचित्रबाट डेब्यु गरेका थिए । नाजिरको अभिनयप्रतिको लगाव र मिलनसार व्यवहारका कारण स्वस्तिमालाई नाजिर निकै मनपर्छ । नाजिर उनका मिल्ने साथी पनि हुन् ।
