१५ भदौ २०७६, काठमाडौं
वीरेन्द्रनगर लागुऔषध कारोबार र प्रयोगकर्ताको अखडा बन्दै गएको छ । लागुऔषध कारोबारीले वीरेन्द्रनगरलाई मुख्य केन्द्र बनाएका छन् ।
भारतीय बजार हुँदै सहजरुपमा भित्रिने भएकाले यहाँ लागुऔषध दुर्व्यसनीको संख्या बढ्दो छ ।
वीरेन्द्रनगरमा अहिले लुकीछिपी लागुऔषध कारोबार र प्रयोग हुने गरेको छ ।
गत आर्थिक वर्षमा मात्र सुर्खेत प्रहरीले १ सय ३८ जनालाई पक्राउ गरेको छ ।
जिल्लामा पक्राउ परेको यो अहिलेसम्मकै धेरै हो ।
प्रहरी तथ्यांकले नै वीरेन्द्रनगर लागुऔषध कारोबारी र प्रयोगकर्ताको अखडा बनेको पुष्टि गर्छ ।
यो समाचार आजको अन्नपूर्ण दैनिकमा प्रकाशित छ ।
