रिलिज भएको केही घण्टामै इन्टरनेटमा लिक भयो प्रभास र श्रद्धाको ‘साहो’

१५ भदौ २०७६, काठमाडौँ

बाहुबली स्टार प्रभास र श्रद्धा कपुर स्टारर चलचित्र साहो अस्ति शुक्रबारबाट विश्वव्यापी रुपमा प्रदर्शन भैरहेको छ । यो चलचित्रको दर्शकले निकै प्रतिक्षा गरिरहेका थिए । साहो ले रिलिजको पहिलो दिन बम्पर ओपनिङ गरेर रेकर्ड नै राखेको छ ।

यस्तै चलचित्र साहो रिलिज भएको केही घण्टामै इन्टरनेटमा लिक भएको छ । नलाइनमा लिक भएपछि फिल्मको व्यापारमा पनि घाटा पर्ने अनुमान गरिएको छ । खबरका अनुसार फिल्मलाई तमिलरकर्सले इन्टरनेटमा अपलोड गरिदिएको हो । यो, त्यही साइट हो । जुन फिल्म लिक गराउने मामिलामा बदनाम भइसकेको छ । यो फिल्म हाइ क्वालिटीमा इन्टरनेटमा अपलोड गरिएको छ ।