१९ भदौ २०७६, काठमाडौँ
लामो समयदेखि चलचित्र ‘इन्साअल्ला’ बन्ने भनिएको थियो । सञ्जय लिला भन्सालीले निर्माण गर्न लागेको चलचित्रमा सलमान र आलिया मुख्य भूमिकामा अनुबन्धित भएका थिए । तर यो चलचित्र अब नबन्ने भएको छ ।
निर्माण टिमले सलमानसँग कुरा नमिलेपछि चलचित्रको छायांकन स्थगित गरेको हो । अब सञ्जयले आफ्नो नयाँ प्रोजेक्ट सुरु गर्ने भएका छन् । उनले आफ्नो नयाँ चलचित्रको नाम भने खुलाएका छैनन् । यस्तै २०२० मा रिलिज हुने भनिएको ‘इन्साअल्ला’ रिलिज नहुने भएपछि २०२० को इदमा सलमानको ‘किक २’ रिलिज हुने हल्ला चलिरहेको छ ।
