१९ भदौ २०७६, काठमाडौं
जयबागेश्वरी मन्दिर जिर्णाेद्धारको क्रममा मन्दिर भित्र अर्काे पुरातात्विक महत्वको मन्दिर फेला परेको छ ।
यद्धपी, पशुपति क्षेत्र विकास कोषले जिर्णाेद्धार गरिरहेको पुरातात्विक महत्वको मन्दिरमा सम्पदा संरक्षणको नियम बिपरीत जिर्णाेद्धार गरिहेको स्थानीय जलद राज बैद्यले आरोप लगाएका छन् । उनले भने, ‘पुरातात्विक महत्वको सम्पदा जिर्णेद्धार गर्दा साबेलको प्रयोग गर्न पाईन्न । तर कोषले साबेल जस्ता धारिला हतियारको प्रयोग गरी मन्दिरका ढुङ्गा, इट्टामा चोट पुर्याएको छ ।
पाशुपत क्षेत्रमा अवस्थित जयबागेश्वरी मन्दिर पशुपतिनाथ मन्दिर भन्दा पुरानो रहेको बताईन्छ । परापूर्वकालमा सती प्रथाको समयमा सती जाने महिलाहरुले आफ्नो धन सम्पत्ति जय बागेश्वरी मन्दिरमा दान गरेर जाने किम्वदन्ती पाईन्छ । त्यसैले कुनै बेला जयबागेश्वरी मन्दिर पशुपतिनाथ मन्दिर भन्दा पनि धनी रहेकोले तत्कालिन शासकहरुले अंग्रेजसँगको युद्धमा मन्दिरको सम्पत्तिले युद्ध लडेको स्थानीयको दावी रहेको छ ।
नेवारी समुदायको उत्पति स्थलको रुपमा परिचित पाशुपत क्षेत्रलाई नेवारीमा ग्वलः समेत भनिन्थ्यो । तत्कालिन अवस्थामा जयबागेश्वरी मन्दिर नेवारी सभ्यताको प्रतिविम्वको रुपमा रहेको समेत स्थानीय भनाई छ ।
यो पनि पढनुहोस्
