२० भदौ २०७६, काठमाडौँ
दक्षिण कोरियाका महिलाहरुले एउटा अनौठोको अभियान सुरु गरेका छन् । जुन सुन्दा धेरैलाई अचम्म लाग्न सक्छ ।
दक्षिण कोरियाका महिलाहरुले नो ब्रा मुभमेन्ट अर्थात ब्रा मुक्त अभियान सुरु गरेका छन् । कत्ति महिलाहरुले त ब्रा नलगाई बाहिरी बस्त्र मात्र लगाएका तस्बिरहरु सामाजिक सञ्जालमा सेयर गर्न थालिसकेका छन् ।
नो ब्रा अभियानको सुरुवात दक्षिण कोरियाकी गायिका एवम् अभिनेत्री सुलीले गरेकी हुन् । उनले आफ्नो इन्सटाग्राममा ब्रा नलगाएको तस्वीर पोष्ट गरिन् ।
इन्स्टाग्राममा उनका लाखौं फलोअर्स छन् । उनीहरुले यो तस्वीरलाई भाइरल बनाइदिए । त्यसपछि सुली ब्रा मुक्त अभियानको प्रतीक बनिन् ।
कतिपयले भने यो अभियानलाई आलोचना पनि गरिरहेका छन् । महिलाको इज्जतमा असर पर्ने भन्दै धेरैले यो अभियान सुरु नगर्ने आग्रह गरेका छन् ।
