२३ भदौ २०७६, काठमाडौं
एक युवतीमाथि यौन हिंसा गरेको अभियोगमा पूर्वसांसद योगेन्द्र घिसिङ पक्राउ परेका छन्।
भैसेपाटी–रत्नपार्क चल्ने सार्वजनिक बसमा एक युवतीमाथि यौन हिंसा गरेको अभियोगमा तत्कालीन सांसद घिसिङलाई पक्राउ गरिएको ललितपुर प्रहरीका एसपी दुर्गा सिंहले जानकारी दिए।
घिसिङ २०७० सालमा तत्कालीन नेकपा माओवादी केन्द्रबाट समानुपातिक तर्फ सभासद बनेका थिए। संविधान निर्माणलगत्तै उनले पार्टी छोडेको घोषणा गरेका थिए।
घिसिङले सार्वजनिक सवारीमा महिलामाथि यौन हिंसा गरेको किटानी जाहेरी परेपछि पक्राउ गरिएको प्रहरीको भनाइ छ।
ललितपुर संखु घर भएका घिसिङलाई कस्तो मुद्धा चलाउने भन्ने बिषयमा अनुसन्धान भइरहेको प्रहरीले जनाएको छ।
