चक्रपथ : बाहिर नैना सुत् भित्र भुइँमा सुत्

२४ भदौ २०७६, काठमाडौं

काठमाडौं उपत्यकाको चक्रपथभित्रको सडक चिटिक्क छ। सफा सुग्घर नै देखिन्छ। यसका लागि प्रत्येक बिहान बु्रमर र पानीको फोहराको सहायता लिइएको छ।

यस्तै नियमित जोडबलले सडक सफा देखिएको छ पनि।तर, चक्रपथ छोडेर ५० मिटर दूरी पार गर्न नपाउँदै यही सडकको अवस्था ‘भगवान् भरोसा’ देखिन्छ। अवस्था यस्तो छ कि पाइलैपिच्छे खाडलैखाडल देखिन्छ।

सडकको त्यस्तो अवस्थाले त्यो सडक नभई पोखरी पो हो कि भन्ने भान हुन्छ। यस्तो अवस्थाबाट यात्रु आजित भएका छन्।

काठमाडौं उपत्यका प्रवेश गर्ने मुख्य सडक नागढुंगासहित बौद्ध–जोरपाटी–साँखु, बूढानीलकण्ठ–शिवपुरी, टोखा, नागढुंगा, चोभार–दक्षिणकाली–सिस्नेरी, चापागाउँ दोबाटो–ठेचो–सुनाकोठी हुँदै लेले, सातदोबाटो–गोदावरीलगायतका सडकको अवस्था यस्तै छ। यो समाचार आजको नेपाल समाचारपत्रमा सुरेश तामाङले लेखेका छन् ।