‘पिरिम नलाउने’ को अपार सफलतापछि आशिष र मेलिनाको ‘एक कान दुई कान मैदान’ रिलिज

२५ भदौ २०७६, काठमाडौँ

कार्टुन्ज क्रु अहिलेको सर्वाधिक चर्चित डान्स ग्रुप हो । कार्टुन्ज क्रु को डिमाण्ड बजारमा निकै छ । यस्तै कार्टुन्ज क्रु का आश्मा र सरोजको केमेष्ट्रिलाई दर्शकले निकै रुचाउने गरेका छन् । उनीहरुको एकपछि अर्को गीत सार्वजनिक भैरहेका छन् ।

भर्खरै मात्र पनि आश्मा र सरोजको नयाँ गीत रिलिज भएको छ । हिमांशु रायमाझीको शब्द र भिम बिसीको संगीत रहेको एक कान दुई कान मैदान बोलको गीतमा आशिष सचिन र मेलिना राईको आवाज रहेको छ ।

निकै रमाइलो शैलीको गीतमा आश्मा र सरोजका साथ आशिष र आँचल फिचर्ड छन् । यो गीतलाई गम्भिर बिष्टले कोरियोग्राफी गरेका हुन् । यसअघि आशिष र मेलिनाको पिरिम नलाउनेले अपार सफलता पाएको थियो ।