२६ भदौ २०७६, काठमाडौँ
महेश काफ्ले अहिलेका चर्चित गायक हुन् । उनलाई सफलता दिने गीत भने नाच फिरिरी नै हो । करिब १ बर्ष अगाडी रिलिज भएको नाच फिरिरी ले दर्शकको अत्याधिक माया पाउन सफल भयो ।
नाच फिरिरी ल्याएको करिब १ बर्षपछि महेशले नयाँ गीत ल्याएका छन् । महेश काफ्लेको शब्द र संगीत रहेको माया बिरानी बोलको गीतमा महेश र मेलिनाको आवाज रहेको छ । गीतलाई राजिव समिरले कोरियोग्राफी गरेका हुन् ।
निकै रमाइलो शैलीको गीतमा नाजिर हुसेन र आँचल शर्माका साथ महेश स्वयम पनि फिचर्ड छन् । यो गीतले छोटो समयमा नै युट्युबमा राम्रो भ्यूज पाउन सफल भएको छ ।
