यसपटक ‘सूर्य इन्टरनेशनल अवार्ड’ जापानमा हुदैँ

२६ भदौ २०७६, काठमाडौँ

यसपटक सूर्य इन्टरनेशनल अवार्ड जापानमा हुने भएको छ । आजभोली नेपाली अवार्ड शो हरु नेपालमा भन्दापनि विदेशी भूमिमा धेरै हुन थालेका छन् । केहीदिन अघि काठमाडौँमा पत्रकार सम्मेलन गरेर अवार्ड शो हुने बारे आयोजकले जानकारी दिएको छ ।

नोभेम्बर २४ मा आयोजना हुने अवार्डमा ६ चलचित्र र ६ संगीत विधालाई समावेश गरिएको छ । अवार्डको आयोजना अगाडि साताव्यापी रुपमा विभिन्न कार्यक्रम गरिने बताइएको छ । जसमा स्थानिय मिडियाकर्मीसँग भेटघाट, चलचित्र र पर्यटन सम्बन्धी अन्र्तक्रिया पनि आयोजना गरिनेछ । अवार्डमा गतबर्ष रिलिज भएका चलचित्रले सहभागीता जनाउन पाउने बताइएको छ ।

१५ सय सिट क्षमता भएको नाकानो जिरो हलमा आयोजना हुने अवार्डमा नेपालबाट ५० बढी चलचित्रकर्मी र मिडियाकर्मी सहभागी हुने बताइएको छ ।