कृष्ण ओलीको हात जोडिएपछिको खुसी : रुपालाई ख्वाउने देखि माइक समातेर गीत समेत गाउन लगाए

२७ भदौ २०७६, काठमाडौँ

अन्ततः सम्पूर्ण नेपालीको माया र साथ पाएर कृष्ण ओलीका हात जोडिएका छन् । विगत १ महिनादेखि कृष्ण र रुपा कृष्णको उपचारको लागि मुम्बईमा थिए । कृष्णको हात हालेपछि रुपा र कृष्ण काठमाडौँ फर्किसकेका छन् ।

कृष्णको हात जोडिएपछि सायद रुपा जति अरु कोहीपनि खुसी छैन होला । उनले यो दिनको धेरै समयदेखि प्रतिक्षा गरिरहेकी थिइन् । नभन्दै आज कृष्णको हात जोडिएको देख्दा उनको खुसीको सीमा नै छैन । यस्तै रुपा कृष्णलाई देखेर भावुक पनि भइन् । उनले सम्पूर्ण नेपालीलाई हृदयदेखि नै धन्यवाद समेत दिन भ्याइन् ।

यस्तै कृष्णले पनि आज नेपालीको साथ सहयोगका कारण आफ्नो हात जोडिएको भन्दै सबैलाई धन्यवाद दिन भ्याए । यस्तै कृष्णले आफ्नो हात रुपालाई फूल दिएर प्रपोज गरे । यस्तै माइक समातेर रुपालाई गीत समेत गाउन लगाए । सायद यो पल रुपा र कृष्णको लागि निकै महत्वपूर्ण रहनेछ । रुपा र कृष्णका फ्यान पनि कृष्णको हात जोडिएको देखेर निके नै खुसी छन् ।