‘स्नेही काख’ मा गएर स–साना बालबालिका र वृद्धवृद्धासँग मनाइन् निताले आफ्नो जन्मदिन

२९ भदौ २०७६, काठमाडौँ

नायिका निता ढुङ्गानाले हिजो आफ्नो जन्मदिन स्नेही काखमा मनाएकी छिन् । तिथि अनुसार उनको जन्मदिन हिजो परेको थियो । निताले आफ्नो हरेक जन्मदिन सामाजिक संघसंस्थामा गएर मनाउने गरेकी छिन् ।

उनले स्नेही काखलाई सहयोग पनि गरिन् । निताले स्नेही काखमा गएर आफ्नो जन्मदिन मनाउन पाउँदा निकै खुसी लागेको बताइन् । उनले केही आर्थिक सहयोग गर्नुका साथइ खद्यान्न सहयोग गरेकी हुन् । स्नेही काखले सडकमा भेटिएका मानशिक संतुलन गुमाएका ब्यक्तीहरु र अनाथ बालबालिकाहरुलाई संरक्षण दिँदै आएको छ ।

पछिल्लो समयमा निता अभिनीत चलचित्र बक्सअफिसमा त्यति सफल छैनन् । तरपनि उनको हातमा चलचित्र भने टुटेको छैन । निताको रातो टिका निधारमा चलचित्र प्रदर्शनको तयारीमा रहेको छ । यो चलचित्रको लागि निता निकै उत्साहित पनि छिन् ।