‘कपिल शर्मा शो’ मा फर्कदैँ सुनिल ग्रोवर अर्थात ‘मसहुर गुलाटी’ !

३१ भदौ २०७६, काठमाडौँ

कपिल शर्मा शो भारतको सर्वाधिक लोकप्रिय शो हो । कपिल शर्माले सञ्चालन गर्दै आएको यो शो लाई दर्शकले निकै रुचाउने गरेका छन् । कपिलसँग कपिल शर्मा शो मा सुनिल ग्रोवर अर्थात डाक्टर मसहुर गुलाटी पनि निकै फेमस छन् ।

अझ भन्नुपर्दा कपिल शर्मा शो मा सबभन्दा बढी डिमाण्ड उनकै हुन्छ । उनको क्यारेक्टरलाई दर्शकले निकै रुचाउने गरेका छन् । कपिलसँग झगडा परेपछि उनी शो बाट बाहिरिएका थिए । अहिले फेरि उनी कपिल शर्मा शो मा आउने चर्चा थियो । तर उनी अहिलेसम्म शो मा भित्रिएका छैनन् ।

अहिले सुनिलको एक ट्वीटले भने दर्शकमा नयाँ उत्साह जगाएको छ । उनले एक ट्वीट मार्फत घुमाउरो पारामा आफू कपिल शर्मा शो मा आउन लागेको जानकारी दिएका छन् । तर अब फर्कदैँछन् वा छैनन् त्यो भने आगामी कपिल शर्मा शो को एपिसोड हेरेपछि मात्र थाहा हुन्छ ।