सुरु भयो भद्रगोल टिमको नयाँ सिरियल ‘सक्किगोनि’, दर्शकले दिए यस्तो प्रतिक्रिया

०३ असोज २०७६, काठमाडौँ

भद्रगोल लोकप्रिय टेलिसिरियल हो । तर मिडिया हबसँग केही कुरा नमिलेपछि यो टिमले भद्रगोल नै छोडिदियो । त्यसपछि भद्रगोल बाट चर्चामा आएका कुमार कट्टे (जिग्री) र अर्जुन घिमिरे (पाडे) लगायतको टिमले नयाँ टेलिसियिल ल्याएको छ ।

सक्किगोनि नामक टेलिसिरियल  हिजोबाट नेपाल टेलिभिजनमा प्रशारण भएको छ । टिम त्यही, कलाकार त्यहि, कथा त्यहि बस नाम मात्र भएको सक्किगोनि को पहिलो एपिसोडलाई दर्शकले निकै रुचाएका छन् । तर भद्रगोल को जस्तो साउण्ड क्वालिटी र भिडियो क्वालिटी भने नभएको दर्शकले बताएका छन् ।

जिग्री र कुमारलाई दर्शकले अर्को एपिसोडमा साउण्ड र भिडियो क्वालिटीमा ध्यान दिनुपर्ने बताएका छन् । तर भद्रगोल रोकिएपछि निराश भएका दर्शकलाई सक्किगोनि ले मनोरञ्जन भने पक्कै दिएको छ । युट्युबमा सार्वजनिक भएको केही समयमा नै सक्किगोनि ले राम्रो भ्यूज पाइरहेको छ ।