‘रातो टिका निधारमा’ को प्रमोशनको लागि साम्राज्ञीलाई लिएर आफू पढेको स्कुल पुगे अंकित

०७ असोज २०७६, काठमाडौँ

असोज  १० बाट देशव्यापी रुपमा प्रदर्शनमा आउन लागेको चलचित्र रातो टिका निधारमा को यतिबेला तिव्र गतिमा प्रचार प्रसार भैरहेको छ । यतिबेला चलचित्रका मुख्य कलाकार साम्राज्ञी राज्यलक्ष्मी शाह र अंकित शर्मा चलचित्रको प्रमोशनको लागि विभिन्न ठाउँहरु पुगिरहेका छन् ।

यस्तै अंकितले चलचित्रको प्रमोशनको लागि साम्राज्ञीलाई आफू पढेको स्कुलमा लिएर गएका छन् । काभ्रेको पनौतीस्थित मल्पी इन्टरनेशनल स्कुलमा सोमबार फिल्मको टिमसँग पुगेका उनले विद्यार्थीसँग प्रत्यक्ष भेट गरे ।

मल्पी स्कुलका प्रिन्सिपल र विद्यार्थीले आयोजना गरेको शुभकामना आदान(प्रदान कार्यक्रममा फिल्मको तर्फबाट अंकितसँगै अभिनेत्री साम्राज्ञी आरएल शाह, हास्यकलाकार रविन्द्र झा र निर्देशक अशोक शर्मा उपस्थित भएका थिए । यस विद्यालयमा कक्षा १० सम्म पढेका अंकितले अध्ययनको शिलशिलामा आफूले भोगेका र सिकेका कुरा विद्यार्थीमाझ सुनाए ।