०७ असोज २०७६, काठमाडौँ
साम्तेन भुटिया चर्चित निर्देशक हुन् । उनले चलचित्र त्यान्द्रो बाट निर्देशनमा हात हालेका थिए । साम्तेन भुटिया निर्देशित चलचित्र च च हुई मंसिर ६ बाट प्रदर्शनमा आउँदै छ । चलचित्रमा आर्यन सिग्देल र मिरुना मगर मुख्य भूमिकामा रहेका छन् ।
यस्तै साम्तेनको ड्रिम प्रोजेक्ट धुपौरो मा नायक अनमोल केसी फाइनल भएका छन् । केहीसमय अघि उनले आफ्नै होम प्रोडक्सनको फिल्म एन्टि हिरो गर्ने चर्चा थियो । तर यो चलचित्रको छायांकन अलि ढिला हुने भएपछि अब अनमोलले पहिले धुपौरे लाई आफ्नो समय दिनेछन् ।
चलचित्रमा अनमोल बाहेक अरु कोहीपनि कलाकार फाइनल भएका छैनन् । साम्तेनले अब छिट्टै नै अरु कलाकार पनि फाइनल गर्ने बताएका छन् । यो चलचित्रको छायांकन तिहारपछि सुरु हुने जानकारी गराइएको छ ।
