०७ असोज २०७६, काठमाडौँ
गत शुक्रबार दिपक–दिपाको सहकार्यमा तयार भएको चलचित्र छ माया छपक्कै को ट्रेलर रिलिज गरिएको थियो । तर विडम्बना ट्रेलरले सोचेजति सफलता भने पाउन सकेन । दिपक दिपाका यसअघिका चलचित्र सबै बक्सअफिसमा सुपरहिट छन् ।
अझ भन्नुपर्दा नेपाली चलचित्र क्षेत्रमा अहिलेसम्मकै धेरै कमाई गर्ने चलचित्रको सुचीमा पनि दिपक दिपाकै फिल्म छ । दिपकराज गिरी, केदार घिमिरे, जितु नेपाल, केकी अधिकारी, सुपुष्पा भट्ट लगायतका कलाकारको मुख्य भूमिका रहेको चलचित्र छ माया छपक्कै असोज २४ बाट प्रदर्शनमा आउँदै छ ।
अगाडीका सबै चलचित्रलाई दर्शकले निकै रुचाएकाले यो चलचित्रलाई पनि दर्शकले रुचाउने कुरामा निर्माण टिम आशातित छ । तर ट्रेलरबाट भने राम्रो प्रतिक्रिया त्यति आएको छैन । कत्तिले यो चलचित्र वडा नम्बर छ को कपि भएको बताएका छन् भने कत्तिले सोचेजस्तो राम्रो ट्रेलर नपाएको बताएका छन् ।
त्यसमाथि हरेक बर्ष दशैँलाई लक्षित गर्दै चलचित्र रिलिज गर्ने टिमले यसपालि दशैँपछि चलचित्र रिलिज गर्दैछ । जसका कारण पनि चलचित्रको व्यापार सोचेजति नहुने अनुमान लगाउन सकिन्छ ।
