०८ असोज २०७६, काठमाडौँ
केही समय अघि घोषणा गरिएको रियालिटी शो कमेडी च्याम्पियन ले उत्कृष्ट २४ प्रतिस्पर्धी छनौट गरेको छ । डिजिटल अडिसन मार्फत २००० बाट करिब १०५ लाई सेलेक्ट गरिएको थियो । त्यसपछि लाइभ अडिसन मार्फत २४ जनालाई छनौट गरिएको हो ।
कमेडि च्याम्पियन मा निर्णायकको रुपमा वरिष्ठ कलाकार सन्तोष पन्त, नायिका ऋचा शर्मा, चर्चित कमेडियन मनोज गजुरेल र निर्देशक प्रदिप भट्टराई रहेका छन् । यो शो लाई नायिका केकी अधिकारी लगायतको टिमले निर्माण गरेको हो । शो लाई होष्ट भने रीमा विश्वकर्माले गर्दैछिन् ।
२४ छनौट प्रतियोगी मध्य २ भारतको दार्जिलिंग र असामका रहेका छन् । छनौट भएका २४ लाई कमेडी च्याम्पियन टिमले नै क्लोज क्याम्पमा राखेर मोनिटर गर्नेछ । उक्त प्रतियोगी मध्यबाट टप १५ लाई निर्णायकले नै छनौट गर्नेछन् भने त्यसपछि भोटिङ मार्फत कमेडी च्याम्पियनको विजेता चयन हुनेछ ।
शो ७५ प्रतिशत स्क्रिप्टेड हुनेछ , जसलाई शान बस्न्यातले लेख्नेछन् । विजेताले २५ लाख नगद र एउटा कार प्राप्त गर्नेछन् । कार्यक्रम छिटै नै कान्तिपुर टेलिभिजनबाट प्रशारण हुनेछ । यसलाई रेडियो अडियोबाट पनि सुन्न सकिनेछ ।
